الحرشة بالخضر و الكفتة

الحرشة بالخضر و الكفتة

مقادير و طريقة تحضير الحرشة بالخضر و الكفتة

هاد الحرشة كتجي بنييييييييييييييينة و لذيذة

الوصفة من الاخت ام رياض جزاها الله عنا كل خير

مقادير الحرشة بالكفتة و الخضر

مقادير حشوة الحرشة

مقادير الحشوة : 250 كفتة البقر+2 بصيلات مشلضين+1/2فلفلة حمرة و خضرة وصفرة مقطعة مربعات صغار+2 جزر محكوك غليض+3 م ك معدنوس مقطع رقيق+قليل من زيت الزيتون و زيت المائدة+ملح+تحميرة+كمون+إبزار+عطرية ديال الكفتة (إختياري)+10 حبات زيتون أخظر مقطع رقيق+جبن مبشور +بيضة

طريقة تحضير حشوة الحرشة

طريقة التحضير: نشحر البصل والفلفل مع الملح والزيت حتى ينزل شوية من بعد كنزيدو جزر كنقليوهم شوية ثم نضيف الكفتة و العطرية ونخلوها الطيب مزايان منبعد كنزيدو المعدنوس وكنطفيو لنار أنخلها تبرد ثم نضيفلها الزيتون والجبن والبيضة

مقادير العجين : 2 زلايف سميدة الحرشة+كاس ديال العنبة زيت نصف زيتون ونصف المائدة+1 م ص ملح+1 م ص سكر+1 م ص خميرة كيماوية+1 و 1/2 م ص خميرة معجونة+ كاس كبير ديال الماء

طريقة تحضير الحرشة

 نخلط المقادير الجافة مع بعض ثم نضيف الزيت ونخلط جيدا من بعد نزيد الماء والنخلطو مزيان ونخليوه يشرب مدة 15 د ونقسموه على 2 نخد مقلة ديال الحرشة أنا درتا فمول ديال البيتزا ندهنوها بالزيت ولنرشو السميدة نطلقو الطبقة 1 العجين ثم نضيف الحشوة ثم الطبقة 2 ديال العجين نخلوها تخمر 45 د ثم تطهى في فرن متوسط الحرارة كتجي محمرة ملفوق أملتحت وتقدم بصحة والراحة

تصنيف : قسم الطبخ