عصائر متنوعة و رائعة

السلام عليكم و رحمة الله و بركاته

موقع

لكى اختى

يقدم عصائر متنوعة و رائعة من مطبخ الاخت أم اسامة و ايمان

عصائر متنوعة و رائعة من مطبخ الاخت أم اسامة و ايمان

عصير الخوخ

المقادير : 1 كلغ خوخ + 2 ليتر ونصف تقريبا ماء + كاس سكر أو حسب الدوق 

الطريقة : نعمل 2 ليتر ماء يبرد مزيــــــــان 

نغسل الخوخ مزيان ونخلي 2 بالعضام ونحيدو للباقي ونعملو فالكوكوط مع السكر ونصف ليتر من الماء ونسد عليه 15 دقيقة بعد ما تصفر 

نخلي الخليط يبرد شوية ونطحنو ونزيد عليه القياس لي بغيت من الماء حسب الكثافة لي بغيت أنا حيدت تقريبا كاس من 2 ليتر

عصير المشماش بالبرتقال

المقادير : 3 كيسان عصير البرتقال + 6 حبات مشماش + 1 فاني + سكر حسب الدوق 

الطريقة : نغسل المشماس ونخليه بقشورو نحيد ليه العظم ونطحنو مع عصير البرتقال وفاني وسكر حسب الذوق

بناتشي بالبرتقال والفواكه الجافة

المقادير : عصير البرتقال من الأفضل يكون طبيعي + فريز + بنان + تفاح + تمر + لوز + كركاع + سكر حسب الدوق 

مكتبتش الكمية باش يبقى ليكم الإختيار تزيدو أو تنقصو حسب الرغبة 

الطريقة نعمل الكل في الخلاط ويتطحن مباشرة قبل التقديم

بناتشي بالحليب والفواكه الجافة

هاد البناتشي هو من العصائر المعتمدة عندي صحي ومغدي جدا وممكن تتحكم فالكثافة ديالو حسب دوقك 

كنعملو بالحليب أو بعصير البرتقال وممكن نضيف ونوع فالفواكه لي فيه حسب الموسم وحسب الطعم لي بغيت 

غادي تشوفو حتى لي كنعمل بعصير البرتقال في المشاركات القادمة 

المقادير :

500 مل حليب + 2 بنان + 1 تفاحة + نصف أفوكا + 1 إجاصة إختيارية + حفينة د اللوز + حفينة د الكركاع + حفينة د التمر + سكر حسب الدوق وممكن الإستغناء عليه 

ونكتافيو بحلاوة التمر 

كنعمل كلشي فالخلاط ونطحن مباشرة قبل التقديم

https://www.facebook.com/Lakiokhti?ref=hl

تصنيف : عصائر ومشروبات